Persónuhlífar

Persónuhlífar eru síðasta vörnin gegn slysum

Ólíkt öðrum öryggisráðstöfunum sem ætlað er að koma í veg fyrir að atburður eigi sér stað, þá er hlutverk persónuhlífa að draga úr afleiðingum slyss eftir að það hefur orðið.

Rétt val og notkun persónuhlífa

Val á persónuhlífum skal ávallt byggja á áhættugreiningu.Það er mikilvægt að velja réttu hlífarnar fyrir hvert verkefni, þar sem engin ein tegund hentar öllum aðstæðum.

Dæmi:

• Hanskar geta þjónað mismunandi tilgangi, sumir verja gegn rafmagni en aðrir gegn skurði.

• Vinnuskór geta verið með eða án stáltáar, með mismunandi skafthæð og ristavörn. Ef hætta er á að hlutir falli á fætur þarf að velja skó með góðri vörn.

Lög og ábyrgð vinnuveitanda

Samkvæmt vinnuverndarlögum ber vinnuveitandi ábyrgð á að útvega starfsfólki nauðsynlegar persónuhlífar og tryggja að þær henti verkinu.Það er mikilvægt að hlífarnar:

• Passi rétt (ekki of stórar eða of litlar)

• Takmarki ekki hreyfigetu eða valdi óþægindum

• Aukist ekki hætta á slysum, t.d. með því að flækjast í búnaði

Viðhald og regluleg skoðun

Persónuhlífar hafa takmarkaðan endingartíma.Eftir mikla notkun getur vernd þeirra minnkað.

• Rifnir hanskar vernda ekki gegn rafmagni

• Skemmdar hjálmar veita ekki sömu vörn og nýir

• Slitnir skór missa dempun og vörn

Því þarf að:

• Skoða persónuhlífar fyrir hverja notkun

• Skipta þeim út ef þær eru skemmdar eða ónýtar

Fyrirtæki ættu ekki að líta á endurnýjun sem óþarfa kostnað – ein góð hlíf getur komið í veg fyrir fjarveruslys og borgar sig margfalt.

Fræðsla og þjálfun

Mikilvægt er að starfsfólk fái fræðslu um tilgang og rétta notkun persónuhlífa, þar á meðal:

• Hvernig á að nota þær

• Hvernig á að geyma og viðhalda þeim

• Hvenær þarf að skipta þeim út

Slík fræðsla ætti að vera endurtekin reglulega til að viðhalda þekkingu og tryggja að hlífarnar séu notaðar rétt.